Akuzat për ‘Silicon Mix’, Niko Peleshi thirret sot në Prokurori

Ish-ministri i Bujqësisë Niko Peleshi do të merret në pyetje ditën e sotme në Prokurori në lidhje me pesticidin Silicon Mix.

Mësohet se Peleshi do të japë dëshminë e tij në orën 12.00.

‘Silicon Mix’ ishte bllokuar nga AKU, por me një udhër të ish-ministrit Niko Peleshi, bllokimi u hoq dhe në treg u shitën 4600 kilogram kimikat.

Skandali është evidentuar nga ana e Kontrollit të Lartë të Shtetit, i cili akuzon ish-ministrin se ka shkelur ligjin.

Vetë Peleshi nuk ka pasur asnjë reagim për akuzat e ngritura në drejtim të tij.

Çfarë është Silikon Mix dhe ku përdoret?

‘Silicon Mix’ është një pesticid i cili përdoret shpesh nga fermerët që kultivojnë qershi për të vrarë insektet pak para vjeljes së frutave.

Ai quhet Silicon Mix, por në etiketë shënohet si pleh bujqësor. Debate në rrjetet sociale është fokusuar tashmë nëse Silikon Mix deformon ADN-në e njeriut dhe përdorimi sjell efekte të tjera anësore.