Aksident në Kukës, makina përplas një 31 vjeçar

Një aksident rrugor me pasojë plagosjen e një personi ka ndodhur pasditen e sotme në Kukës.
Në aksident është përfshirë një makinë dhe një biçikletë. Ngjarja ka ndodhur në aksin që lidh qytetin me fshatin Shtiqën.
Sipas BW, makina tip “Wolskswagen” e drejtuar nga shtetasi E.B. ka aksidentuar A.Gj. 31 vjeç, banues në fshatin Shtiqën, i cili po udhëtonte buzë rrugës me biçikletë.

I plagosuri është dërguar me urgjencë në spitalin e qytetit, ndërsa bluzat e bardha theksojnë se gjendja e tij shëndetësore është e rëndë. Policia ka shoqëruar drejtuesin e mjetit dhe po punon për zbardhjen e ngjarjes.