Aksident i rëndë, treni përplas drejtuesin e motoçikletës

Një aksident i rëndë ka ndodhur ditën e sotme në Rrugën e Patokut në Laç.

Sipas informacioneve paraprake një motoçikletë ka dalë përpara trenit të linjës Vorë-Shkodër.

Si pasojë e aksidentit mësohet se është plagosur drejtuesi i motoçikletës i cili është dërguar menjëherë në spital.

Mësohet se i plagosuri ndodhet jashtë rrezikut për jetën.

Ndërkohë policia ndodhet në vendngjarje dhe po punon për zbardhjen e plotë të aksidentit.