Aksident i rëndë në Shkodër, kamioni përplas biçikletën

Një aksident i rëndë raportohet se ka ndodhur mbrëmjen e sotme në Shkodër. Si pasojë e aksidentit mësohet se ka mbetur i plagosur një person.

Bëhet me dije se aksidenti personi i plagosur, identiteti i të cilit nuk bëhet i ditur, po lëvizte me biçikletë, kur është përplasur nga një kamionçinë.

Ai është dërguar menjëherë në spitalin rajonal të Shkodrës, ku ndodhet në gjendje të rëndë.

Nuk dihet ende shkaku i aksidentit, ndërsa policia po punon për zbardhjen e ngjarjes.