Aksident i rëndë, makina përplaset me bordurën, 4 anëtarë familjeje me urgjencë drejt Traumës

Një aksident i rëndë ka ndodhur para pak minutash në aksin Mamurras-Milot ku për pasojë janë plagosur 4 persona, të cilët janë anëtarë të një familjeje.

Ngjarja ka ndodhur pranë kryqëzimit të Patokut, ku mjeti ka dalë nga rruga duke u përplasur me pjesën e betonit që ndodhej anës rrugës.

Të plagosurit janë nisur me urgjencë drejt spitalit të Traumës në Tiranë.

Raportohet se një prej të plagosurve ndodhet në gjendje të rëndë për jetën.

Dyshohet që drejtuesi i mjetit ishte i përgjumur, ndërsa policia ende nuk ka dhënë identitetin e personave të plagosur.