“285 mijë të rinj duan të ikin nga Shqipëria”, thirrja e Metës: Reflektim urgjent, sfida më e madhe

Presidenti Ilir Meta ka shpërndarë mëngjesin e sotëm një mesazh që ngre një nga problemet më shqetësuese të shoqërisë shqiptare, atë të shpopullimit për shkak të emigracionit masiv.

Meta i referohet të dhënave nga mediat se 285 mijë të rinj planifikojnë të laroghen nga vendi, ku bën dhe një thirrje të fortë.

Kreu i shtetit shkruan se ndalimi i shpopullimit të Shqipërisë është sfidë që kërkon reflektim urgjent.

“Ndalimi i shpopullimit të Shqipërisë, sfida më e madhe që kërkon reflektim urgjent!”, shkruan Presidenti shkurt.

Sipas një anketë të fonacionit gjerman Friedrich Ebert për Edukimin e të rinjve në Europën Juglindore që u publikua këto ditë, 285 mijë shqiptarë planifikojnë të ikin nga vendi në vitet në vijim, shumica prej të cilëve janë të rinj.  26 për qind kanë pohuar se dëshirojnë të emigrojnë në Gjermani, 18 për qind në Britani , 16% në Itali dhe pjesa tjetër në vende të tjera.