Zjarr në Peshtan të Fierit, digjen 300 rrënjë ulliri

Një zjarr i madh është rregjistruar në fshatin Peshtan të Fierit. Mësohet se flakët kanë djegur rreth 300 rrënjë ulliri.

Forcat zjarrfikëse nga Patosi dhe Fieri kanë mbërritur në vendin e ngjarjes, por ndërhyrja është e vështirë për shkak të terrenit të vështirë. Aktualisht, zjarrfikësit po punojnë me pompa shpine për shuarjen e flakëve.

Këto ditë për shkak të temperaturave të larta, por edhe për shkak të pakujdesive të banorëve të zonës, janë regjistruar disa vatra zjarri në vend, por fatmirësisht nuk ka pasur dëme në banesa apo në njerëz.