Një apartament në qytetin e Durrësit është përfshirë nga flakët mëngjesin e sotëm.
Ngjarja ka ndodhur te ish-rajoni i Policisë, ndërkohë që raportohet se nuk ka të lënduar në njerëz.
Shkak për flakën mësohet se është bërë aspiratori që ishte lënë ndezur për një kohë të gjatë.
Sipas informacioneve paraprake brenda jetonte një familje me qira.
Kryefamiljarët kishin qenë në punë dhe fëmijët te të afërmit në kohën e rënies së zjarrit.
Në vendin e ngjarjes ka mbërritur zjarrëfiksja dhe policia për zbardhjen e plotë të rrethanave dhe shkaqeve të zjarrit.
