Zgjidhja e krizës vjen nga Gjermania, kush është e dërguara e Merkel që takoi Bashën dhe Ramën

Zgjidhja e krizës politike shqiptare që është në një kolaps të fortë që prej shkurtit të këtij viti duket se do e marrë zgjedhjen nga ndërkombëtarët.

Përkundër deklaratave të zyrtarit të DASH, Palmer, që disa herë ka thënë se kriza politike shqiptare duhet të zgjidhet nga vendasit, pasi janë ata që e kanë shkaktuar këtë krizë, Gjermania ka bërë një tjetër lëvizje sot.

Në Tiranë sot ka mbërritur nënkryetarja e grupit parlamentar të CDU-së, Katja Leikert, e cila mbulon politikat europiane. Leikert zhvilloi takimet sot me kryetarin e PD-së, Lulzim Basha dhe kryeministrin Edi Rama, ndërsa mësohet se në axhendën e saj është edhe një takim me presidentin Ilir Meta.

Basha në fjalën e tij para medieve pas takimit me Leikert tha se PD vijon t’i qëndrojë pozitave të saj që janë të palëkundura që prej shkurtit të këtij viti. Nga kryeministri Rama nuk ka pasur asnjë reagim në lidhje me këtë takim.

Në shtator në Shqipëri pritet të vijë një delegacion i Bundestagut gjerman, si dhe i deputetëve të Parlamentit Europian. Qëllimi i kësaj vizite shihet një mision faktmbledhës përpara se të merret vendimi për çeljen ose jo të negociatave.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern