Vrasja e Indrit Çelajt ka ndodhur sepse sipas dy vëllerëzve, djem të pronarit të shtëpisë, 27-vjecari nuk e ka bërë mirë punën.
Pikërisht puna e tij mesa duket nuk u ka pëlqyer djemve të Bujar Kusit të cilët pas një debati, kanë plagosur rëndë me plumb në kokë Indrit Çelajn. Report Tv mëson se e gjithë ngjarja ka nisur për shkak të pretendimeve të dy vëllezërve të shpallur në kërkim, të cilët akuzonin viktimën për rrjedhjen e ujit të kondicionerit.
Pasi kanë kryer vrasjen dy vëllezërit e identifikuar si Griseldo dhe Albano Kusi duke njohur Lorenc Veliaj i kanë kërkuar që të mbajë përsipër krimin. Por në momentin që është përballur me policinë, në hetuesi 27-vjeçari ka rrëfyer të gjithë ngjarjen duke treguar se kush e kishte kryer krimin.
