Zgjidhja më e shpejtë për depilimin për një vajzë është brisku. Megjithatë duhet pasur shumë kujdes, sepse pasojat e një depilimi të pakujdesshëm janë të mëdha.
Ja 5 gabimet që bën çdo vajzë kur depilohet me brisk. 1. Nuk përdorni krem mbrojtës, balsam apo shkumën e partnerit. Një gabim shumë serioz, sepse rrezikojmë të irritojmë lëkurën. Dhe askush prej nesh nuk dëshiron të largohet nga shtëpia me lëkurë të kuqe, apo jo?
2. Nuk e ndërroni shpesh tehun. Sigurisht, tehet zgjasin shumë, ne i lajmë, i thajmë, i vendosim në mënyrë të sigurt, por brisqet mund të përdoren jo më shumë se 10 herë. Ndaj, duhet t’i ndryshoni shpesh.
3. Nuk bëni dush më parë. Bëni një banjë të nxehtë të këndshme, në mënyrë që të hapni poret dhe të jeni në gjendje t’i arrini të gjitha qimet. Në këtë mënyrë do të largoni më shumë qime dhe nuk do të keni siklet për qime të futura në lëkurë.
4. Aplikoni produkte të parfumuara ose alkool pas depilimit. Lëkura është me të vërtetë e ndjeshme ndaj këtyre produkteve dhe ju rrezikoni ta ndezni atë shumë!
5. Nuk aplikoni një hidratues më pas. Për lëkurën tuaj koha e heqjes së qimeve është vërtetë shumë stresuese. Do të ishte mizore të mos vendosni një krem që hidraton lëkurën në thellësi!
