U shpall “Non-Grata” në SHBA, Krimet e Rënda lëshojnë fletë-thirrje për Vangjush Dakon

Pak ditë pasi Departamenti Amerikan i Shtetit i bllokoi hyrjen në Shtetet e Bashkuara të Amerikës Vangjush Dakos dhe familjes së tij, pas dyshimeve në përfshirjen e aferave korruptive, Prokuroria e Krimeve të Rënda ka avancuar me hetimet.

Burime nga Prokuroria e Krimeve të Rënda bëjnë me dije se është lëshuar fletë-thirrje për Vangjush Dakon, për ta marrë në pyetje në muajin shtator.

Mësohet se ish-kryebashkiaku i Durrësit  do të merret në pyetje në lidhje me dosjen 339, por ende nuk dihet nëse prokuroria disponon prova të reja.

Në shtator Dako do të paraqitet në Prokurorinë e Krimeve të Rënda për here të dytë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern