U qëllua me plumb në kokë, flasin dëshmitarët e atentatit në Tiranë

Vetëm pak orë më parë një nga zonat më të populluara të Tiranës një i ri u qëllua me plumb në kokë në rrugën ‘’Myslym Shyri’’

I riu mësohet se është punëtor ndërtimi dhe atentati i është bërë në njërin prej pallatave, që i është nënshtruar rikonstruksionit, ku i riu po punonte.

Sipas informacioneve të fundit, dëshmitarët okularë të marrë në pyetje bëjnë me dije se nuk kanë dëgjuar të shtëna armësh duke krijuar dyshime se 30-vjeçari mund të qëlluar me armë me silenciator.

Ndërkohë, policia ka shoqëruar pronarin e pallatit dhe dëshmitarë okularë dhe ka marrë në dorëzim kamerat e sigurisë.

Situata po ndërlikohet, pasi mjekët e Spitalit të Traumës e kanë të pamundur të bëjnë ndërhyrje kirurgjikale për shkak se plaga është e shkaktuar në zonë delikate.