Tronditet Durrësi, ekzekutohet me armë zjarri i riu në derën e shtëpisë (EMRI)

Një ngjarje e rëndë ka tronditur qytetin e Durrësit pak minuta më parë.

Një person është ekzekutuar me armë zjarri në lagjen nr.18 të qytetit.

Viktima është Feris Bardhi, 40 vjeç dhe është ekzekutuar në derën e shtëpisë nga disa persona që mendohet se e prisnin për tu sqaruar.

Viktima është i skeduar nga Policia e Shtetit, si i përfshirë në trafikun e drogës.

Dyshimet e para janë se vrasja ka ndodhur për shkak të prishjes së pazareve të drogës.

NJOFTIMI ZYRTAR I POLICISE

Më datë 01.08.2019, rreth orës 12:55, në lagjen Nr.18, Durrës, persona të paidentifikuar kanë plagosur me armë zjarri shtetasin F.B.,40 vjeç, banues në Shën Vlash, Durrës, i cili u transportua në Spital ku dhe ka ndërruar jetë.

Në vendngjarje ka shkuar grupi hetimor ku vijon punën për zbardhjen e rrethanave të ngjarjes.

Policia ka ngritur pika kontrolli dhe po punon intensivisht për identifikimin dhe kapjen e autorëve të kësaj ngjarje.