Një ngjarje e rëndë ka ndodhur në Gjermani, ku një shqiptar nga Kosova ka vrarë me thikë ish-bashkëshorten e tij dhe të dashurin e saj, një 23-vjeçar nga Afganistani.
Mediat gjermane shkruajnë se ngjarja e rëndë ka ndodhur në afërsi të një stacioni treni, ku nëna 32-vjeçare po qëndronte në makinë me foshnjën dy muajshe.
Mësohet se gruaja nga Kosova ishte ndarë nga autori i krimit, i cili ishte njohur për dhunë në familje.
Madje dhe gruaja e divorcuar aktualisht jetonte në strehën e grave të dhunuara në Iserlohn.
Ndërkohë, pas krimit foshnja është marrë nga policia dhe është vënë nën kujdesin e strehës së të rinjve.
Sipas Agjencisë Gjermane të Shtypit, afër po organizohej një dasëm me rreth 20 persona, ku Pastori ishte kujdesur për njerëzit e tronditur nga ngjarja e tmerrshme.
Stacioni u mbyll për disa orë nga ana e policisë për të marrë informacionet e për të zbardhur ngjarjen.
