Tre persona kanë tentuar që të grabisin një banesë në Durrës, por janë pikasur nga pronari i shtëpisë dhe janë konfrontuar fizikisht me të.
Ngjarja ka ndodhur rreth orës 02:35 në fshatin Pjeshkë të Durrësit. Nga përleshja, ka mbetur i plagosur në këmbë pronari, 48-vjeçari me inicialet F.M., por mësohet se ai është qëlluar nga autorët me sende të forta dhhe jo me armë. Policia bën me dije se autorët ishin të armatosur, por ata nuk e kanë përdorur armën e zjarrit.
Pronari i shtëpisë është dërguar në Spitalin Rajonal Durrës dhe ndodhet jashtë rrezikut për jetën. Ndërkohë grupi hetimior ka nisur hetimet për zbardhjen e plotë të ngjarjes si dhe identifikimin e autorëve.
