Një ngjarje e rëndë ka ndodhur sot në Cremona të Italisë, ku mësohet se një tren i linjës Brescia Parma ka përplasur për vdekje një shqiptare.
Makinisti në dëshminë e tij tronditëse shprehet se e ka patur të pamundur të shmangë tragjedinë.
Mediat italiane shkruajnë se makinisti është shprehur se ka qenë vetë gruaja që i është hedhur trenit përpara.
“E pashë që po vinte papritur, sikur të më priste dhe nuk mund të bëja asgjë për ta shmangur”- ka thënë drejtuesi i trenit duke sqaruar për policinë italiane dinamikën e aksidentit që ndodhi mengjesin e sotëm.
Pas verifikimeve të policisë, bazuar në këtë histori edhe në elementët e tjera të mbledhura, pozicioni i trupit dhe historia personale e viktimës, uniformat blu besojnë se nuk është një aksident por një hedhje e qëllimshme nga gruaja përpara shinave të trenit.
