Tragjike, nëna shqiptare mbytet në det në sy të vajzës 6-vjeçare (EMRI)

Një ngjarje e rëndë ka ndodhur në plazhin e Metapontos në provincën e Matteras në Itali.

Një nënë shqiptare e identifikuar si Fatjona Kalimi, 26 vjeç nënë e dy fëmijëve, humbi jetën ndërsa po lahej në detin Jon bashkë me vajzën e saj 6 vjeçare.

E gjithë skena tragjike është parë nga plazhistët dhe roja bregdetare menjëherë është zhytur në ujë për ti dhënë ndihmën e parë së bashku me një nënoficer policie i cili ndodhej aty me pushime.

Tentativat për ta shpëtuar rezultuan të kota pasi një problem shëndetësor e ka goditur 26 vje çaren në ujë duke i sjellë vdekjen.

Vajza 6 vjeçare ka qenë gjithashtu në rrezik për mbytje.

Pas kurimit në spital për fat të mirë gjendja shëndetësore e vogëlushes është drejt stabilizimit.

Dhjetra raste mbytjeje janë regjistruar këtë verë në bregdetin italian e rekordin e fatkeqësive në ujë e mban provinca e Salentos.