Tirana befason në merkato, afron mbrojtësin e kombëtares

Tirana vijon të jetë shumë aktive në merkato, ku duket se po formon një ekip te frikshëm.

Pas Bathës, Torasës, Dungës, Osmanit e disa të tjerëve, sot është zyrtarizuar kryevepra në merkaton bardheblu. Bëhet fjalë për një nga mbrojtësit më të mirë të kampionatit shqiptar, si Kristi Vangjeli.

Korçari firmosi kontratën me kryeqytetasit dhe do i bashkohet Ardian Memës në fund të gushtit.

Më herët presidenti Halili tha se do të tentohet një goditje e madhe në merkato edhe në mesfushë në ditët në vijim.

Pas Vangjelit presim dhe të shohim se kush do të veshë fanellën e 24 herë kampionëve të vendit.