Sillte kokainë me banane, gati ekstradimi i “peshkut të madh”

Pronari i kompanisë së shitjes së frutave ‘’Arbri Garden’’, Arbër Çekaj, i cili është i akuzuari kryesor i trafikut të 613 kg kokainë nga Kolumbia në Shqipëri shumë shpejt pritet të ekstradohet në vendin tonë.

20 ditë më parë Gjykata gjermanë ka vendosur transferimin e 38-vjeçarit për llogari të drejtësisë shqiptare.

Çekaj akuzohet se ka porositur 613 kg kokainë, e cila ishte fshehur në kontejnerët e bananeve. 3 javë para se të sekuestrohej droga në Portin e Durrësit në vitin 2018, Çekaj ishte larguar drejt Gjermanisë, pasi kishte pasur frikë se mund të zbulohej. Vlera e drogës së kapur llogaritet të shkojë deri në 180 milionë €.

Ai u arrestua në një shtëpi dykatëshe dhe nuk bëri rezistencë forcave të policisë gjermane.

Për Çekajn, u shpreh dhe ish-ambasadori i SHBA-së Donald Lu, i cili e konsideroi Çekajn dhe Klement Balilin si ‘peshqit e mëdhenj të krimit’.