LIGJET E BIZNESIT
Bashkëjetuesi i Orkida Drizës, sekseres së fondacionit “Besa”, Ervis Doko ka shkruar sot në polici, ku ka dhënë dëshminë e tij lidhur me skemën e mashtrimit me kreditë fiktive që bëheshin nga ky Fondacion.
Duke folur para gazetarëve në dalje të komisariatit të policisë, Doko ka theksuar se është mashtruar nga drejtuesit e fondacionit dhe se ai dhe bashkëjetuesja e tij kryenin rolin e sekserit, pa pasur dijeninë se ajo ishte një skemë priamidale.
“Skema ishte e thjeshtë, na sillnin vetëm certifikata dhe fotokopje, merrnim një shumë prej 300 mijë lekësh të vjetra dhe brenda vitit mbyllej. Këtë shumë e merrnim te Fondi Besa. Nuk e dija që ishte skemë mashtruese”, tha Doko, i cili shtoi se lekët i jepeshin nga drejtoresha e fondacionit.
Më tej ai tregoi përpara gazetarëve se për çdo person që dërgonte në fondacion përfitonte 20 mijë lekë të vjetra. Më shumë se 100 persona tha Doko se ka çuar te “Besa” brenda një viti.
Më herët, Orkida Driza ka deklaruar se është e gatshme të bashkëpunojë me drejtësinë, duke pretenduar se është përdorur në skemën e mashtrimit.
Rreth 3.7 milionë euro është shumë e përfituar nga skema e mashtrimit në fondacionin “Besa”, me kredidhënie fiktive.
Gjykata e Tiranës ka lënë në burg 4 persona. Në burg është lënë drejtoresha Albana Imami, Blertina Kanani, Mihal Hanxhari dhe Orkida Driza.
