Shuhet zjarri në Klos, shkrumbohet 1 hektarë pishë

Është arritur të shuhet zjarri në fshatin Patin të Klosit. Vatra është bërë e mundur që të vihet nën kontroll nga Forcat zjarrfikëse dhe banorët e fshatit, që arritën të shuanin zjarrin e rënë ditën e sotme në masivin pyjor të fshatit.

Mësohet se flakët shkrumbuan 1 hektarë pishë dhe shuarja e zjarrit ishte e vështirë për shkak të erës së fortë dhe mungesës së rrugës. Forcat e Emergjencës Civile arritën të shmangin zjarrin nga banesat, të cilat ishin shumë pranë.

Gjithashtu, ditën e sotme janë regjistruar 3 vatra zjarri: në Gjirokastër, Lezhë dhe Roskovec, por që tani janë vënë në kontroll.