Shpërndahet Parlamenti, Kosova në zgjedhje të parakohshme

Deputetët e Parlamentit të Kosovës kanë votuar sot për shpërndarjen e Kuvendit, duke çuar vendin në zgjedhje të parakohshme. Ky vendim erdhi pas dorëheqjes së kryeministrit Ramush Haradinaj.

Kuvendi i Kosovës është shpërndarë me 89 vota pro, 1 kundër dhe 2 abstenim, teksa në sallë ishin 106 deputetë.

Sipas Kushtetutes së Kosovës, në raste të shpërndarjes së Kuvendit zgjedhjet mbahen jo më vonë se dyzet e pesë (45) ditë më pas.