Shkoi të takojë vëllain në burg, policia arreston të riun nga Durrësi

Policia ka arrestuar një 29-vjecar pasi ka tentuar të fusë drogë brenda burgut në Kavajë.

Mësohet se i arrestuari është shtetasi me iniciale E.B banues në Durrës, pasi ka tentuar që ndërmjet rrobave të kalonte një sasi droge për të vëllain e burgosur.

NJOFTIMI ZYRTAR I POLICISE

Kavajë

Tenton të fusë lëndë narkotike në IEVP,
arrestohet në flagrancë 29-vjeçari

Sekuestrohen 26 gramë canabis sativa dhe 31 doza heroinë.

Shërbimet e policisë së burgut të IEVP Rogozhinë, gjatë kontrollit të sendeve që një shtetas kishte sjellë për të vëllanë, i cili vuante dënimin pranë ambjenteve të IEVP Rogozhinë, kanë konstatuar që në rrobat e tij , mbante të fshehur lëndë narkotike.

Është njoftuar menjëherë grupi hetimor dhe specialistët për Narkotikët të cilët në përfundim të hetimeve kanë bërë arrestimin në flagrancë të shtetasit :

1. B.,29 vjeç banues në Durrës.

Materialet do ti kalojnë për hetime të mëtejshme Prokurorisë Pranë Gjykatës Shkallës së Parë Kavajë për veprën penale “Prodhimi dhe shitje të narkotikeve”