Është shkarkuar nga detyra zëvendës drejtori i Përgjithshëm i Tatimeve, Ervin Hoxha. Ky vendim vjen një ditë pasi kryeministri Edi Rama njoftoi se disa inspektorë tatimorë në qytetin e Durrësit kishin abuzuar me detyrën duke marrë ryshfet nga pronarët e bizneseve dhe plotësonin raportet në kafene, sic kreu i qeverisa tha.
Ky rast ishte denoncuar në aplikacionin “Stop Informalitetit”, i prezantuar vetëm një ditë më parë nga qeveria, në kuadër të aksionit kundër informalitetit.
Ervin Hoxha, ka mbajtur më herët, konkretisht në 2017 postin e drejtorit në Drejtorinë e Hetimit Tatimor në Tiranë. Ai u largua nga ky post, kësaj here duke dhënë dorëheqjen, për të njëjtin motiv, sepse tre tatimorët kishin shkuar për kontroll në një biznes në Spille, dhe i morën administratores shumën prej 40 mijë lekësh.
Edhe në atë kohë, denoncimi u bë nga biznesi privat në adresë të kryeministrit Rama.
