Gjykata e Apelit ka lënë në fuqi masën “arrest me burg” për Mihal Kokëdhimën, pronarin e restorantit i cili u konfliktua me turistët spanjollë në Porto Palermo të Himarës.
Kështu Kokëdhima do të mbetet sërish në burg, edhe pse apeloi masën e sigurisë të vendosur nga gjykata e Shkallës së Parë, por duket se gjykata e Apelit nuk është bindur për t’i lehtësuar atij masën e sigurisë.
Kujtojmë se disa ditë më parë IKMT, shembi lokalin “Panorma” të Mihal Kokëdhimës, pasi ishte pa leje dhe nuk dispononte dokumente të rregullta.
