Shëndetësia në zi, ndahet nga jeta pedagogu dhe mjeku i njohur

Një lajm i hidhur vjen nga shëndetësia, ku mësohet se është ndarë nga jeta mjeku pediatër dhe profesori i Fakultetit të Mjekësisë Thoma Kristo.

Kristo ka qenë ndër të parët themelues të pediatrisë shqiptare dhe të fakultetit të Mjekësisë.

Lajmi është bërë i ditur nga Universiteti i Mjekësisë, me anë të një njoftimi në faqen zyrtare.

NJOFTIMI I FAKULTETIT TE MJEKESISE

Me hidhërim të thellë njoftojmë ndarjen nga jeta të Prof. Thoma Kristo, mjekut shumë të njohur të fëmijëve dhe pedagogut te shquar te Fakultetit te Mjekësisë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Profesori i ndjerë Thoma Kristo bënte pjesë në brezin e parë të pediatërve shqiptarë, të cilët themeluan dhe ngritën shërbimet universitare të specializuara në shërbimin spitalor kombëtar dhe në Fakultetin e Mjekësisë. Gjatë karrierës së Tij të gjatë, të pervijuar nga shkenca dhe humanizmi, Profesori i nderuar ka mbajtur detyra te rëndësishme, si drejtues shërbimi dhe departamenti në strukturat shëndetësore universitare të sëmundjeve të fëmijëve dhe njihet si themelues i Shërbimit Universitar te Kardio-Pediatrisë. Ai ishte autor i shumë monografive dhe teksteve mësimore për pediatrinë dhe shëndetin e femijëve dhe gjithashtu i dhjetra artikujve, kumtesave dhe referimeve shkencore brenda dhe jashtë vendit. Largimi nga jeta i Prof. Thoma Kristo le pas nje humbje te madhe per familjen, kolegët, studentët, pacientët e shumtë dhe cilindo tjeter qe ka pasur fatin ta njohë.

Universiteti i Mjekësisë, Tiranë shpreh ngushëllimet me të sinqerta për familjarët dhe njofton se homazhet bëhen ditën e diele 18 gusht nga ora 09.00-17.00 në mjediset e Funeral Alba (pranë Medresesë së Tiranës në rrugën e “Dibres”) dhe përcjellja për në banesën e fundit bëhet prej aty në orën 17.00.