LIGJET E BIZNESIT
Nis shembja e restorantit “Panorma”, në pronësi të Mihal Kokëdhimës, i cili disa ditë më parë sulmoi turistët spanjollë. Forcat e IKMT-së kanë zbarkuar në Porto Palermo, ku ndodhet edhe restoranti dhe kanë nisur shembjen e tij.
Fadromat dhe mjetet e tjera të rënda po bëjnë rrëzimin e mureve të lokalit, ndërsa në vendngjarje së bashku me me punonjësit e IKMT-së ndodhen edhe forca të shumta policie. Më herët, u bë çmontimi i materialeve të restorantit, si dhe heqja e shezlongëve dhe çadrave të plazhit.
Në këtë aksion kanë qenë prezent familjar të Mihal Kokëdhimës, të cilët nuk kanë bërë rezistencë, por vetëm kanë hequr ato sende u janë dukur me vlerë.
Shembja e lokalit të Mihal Kokëdhimës po bëhet, pasi godina ka qenë pa leje. Ai ndodhej në buzë të rrugës nacionale në jug të vendit. U desh incidenti me turistët spanjollë që të mësohej që ky restorant të ishte pa leje dhe të niste rrafshimi i tij.
