Shembet HEC-i në kanionin e Holtës, Taçe: Iku koha kur Gramshi përdoret për interesa personale

Shembet diga pranë Kanionit të Holtës që ishte parashikuar të bëhej hidrocentral. Lajmi është dhënë nga kryebashkiaku i Gramshit, Klodian Taçe. Në një reagim në rrjetet sociale, Taçe tha se nën drejtimin e tij Gramshi është futur në një epokë të re.

“Të dashur qytetarët e mi, me kënaqësi dua t’ju njoftoj se është marrë vendimi për prishjen e digës së betonit pranë Kanionit të Holtës. Edhe njëher doja të falënderoja të gjithë ata që reaguan dhe mbështetën, se bashku me mua, interesin e qytetarëve të Gramshit.

Falenderoj veçanërisht ministren përkatëse, zonjën e nderuar Belinda Balluku e cila u përgjigj pozitivisht shqetësimit tonë, spektrin politikë ku unë bëj pjesë që na  mbështetën me reagimin e menjëhershëm, banorët e zonës, aktivistët e ndryshëm që dolën në mbrojtje të një kauze. Iku koha kur qyteti i Gramshit përbuzej dhe  pasuritë e shumta natyrore përdoreshin për përfitime personale të një grupi të caktuar personash.

Bashkia Gramsh nën drejtimin tim nuk do lejoj asnjë investim, sado strategjik të jetë nëse cënon pasuritë natyrore të zonës.  Janë pasuri që na i ka falur zoti dhe nuk duhet të keqpërdoren.  Bashkia nën drejtimin tim do udhëhiqet gjithmonë drejt interesave qytetare”, shkruan Taçe.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern