Rrëzohet skela e pallatit në mes të Tiranës, plagosen rëndë katër punëtorë

Një ngjarje e rëndë ka ndodhur para pak minutash në Tiranë, ku një skelë e një pallati në rikonstruksion është rrëzuar dhe për pasojë janë plagosur katër punëtorë.

Ngjarja ka ndodhur në rrugën “Faik Konica”.

Nga të dhënat paraprake mësohet se dy prej punëtorëve janë në gjendje më të rëndë.

Kanë qenë banorët ata që kanë lajmëruar ambulancën, e cila ka mbërritur menjëherë së bashku me forcat e policisë.

Mendohet se ka edhe persona të tjerë të lënduar nga ky incident i rëndë.