Rrëfimi shokues i Majk Tajson: Përdorja urinën e fëmijve të mi për të kaluar antidopingun

Boksieri i famshëm, Majk Tajson, ka rrëfyer në një intervistë të fundit për “Espn” një  truk që ai përdorte për të kaluar testet antidoping në kohën kur ishte mbreti i ringut.

Ish-boksieri rekordmen është treguar i sinqertë, duke pranuar se në testet e kontrollit antidoping ai përdorte jo rrallë urinën e djemve të tij për të dalë i pastër. “Doja të përdorja urinën e bashkëshortes sime, por ajo më thoshte se, nëse veproja ashtu, do të dilja shtatzënë”, – ka thënë Tajson, duke iu referuar edhe rastit të fundit të basketbollistit DJ Kuper, i cili kishte përdorur urinën e mikeshës së tij dhe rezultoi “shtatzënë”, një rast që bëri xhiron e botës.

“Mendova të përdorja urinën e djemve të mi dhe kështu bëra. Si ja bëja? Më ndihmonte stafi personal mjekësor në këtë pjesë. Pjesa më e madhe e njerëzve që merren me testet antidoping ndihen në siklet në këto lloj situatash. Shpesh ata kthejnë kokën nga ana tjetër dhe unë përdorja këtë truk për t’u shpëtuar kontrolleve antidoping”, – ka sqaruar Tajson, një nga boksierët më të famshëm në botë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern