Analisti i njohur, Ilir Demalia ka bërë një analizë të librit shumë të përfolur “Blloku” të ish-mjekut të diktatorit, Enver Hoxha, Isuf Kalo.
Në një postim në facebook, Demalia ka zbuluar dy të pavërteta në lidhje me hedhjen në erë të bustit të Stalinit në Shkodër si dhe rolin e Edi Rama dhe Arben Imamit në një tubim në përkujtim të vrasjes së Xhon Lenon.
Postimi i plotë i Ilir Demalia:
Isuf Kalo, gjatë gjithë librit “Blloku” , në mënyrë të djallëzuar shkruan faqe të tëra që nuk përputhen me realitetin. Anashkalon ngjarje dhe momente me qëllim . . .
Në f.474
“Pak kohë më vonë, më 14 janar 1990 në Shkodër u hodh në erë me dinamit busti i Stalinit dhe u zhvillua një demonstratë e heshtur e banorëve në qendër të qytetit.”
ne f.498
“Në vigjilje të shpalljes së pluralizmit politik, në një tubim në Institutin e Arteve, më 8 dhjetor 1990, në përkujtim të vrasjes së këngëtarit Xhon Lenon, protagonistit të grupit të famshëm britanik Bitëlls, i cili ishte shndërruar në ato vite në një simbol të kulturës, në sallën e mbushur plot, ndërkohë̈ që dëgjoheshin këngët e tij “Revolucion” dhe “Poëer to the people” (Fuqi popullit), studentët në sallë ngrinin lart dhe tundnin fotografinë̈ e këngëtarit, duke e shoqëruar atë me dy gishtat të ngritura lart, simbol i V-së (Victory), fitores.
Dy pedagogë të rinj në moshë të atij instituti, aktori Arben Imami dhe piktori Edvin Rama, të cilët do të luanin në vitet e mëpasshme role të rëndësishme politike në vend, shquheshin që atëherë për protagonizmin e tyre si frymëzues dhe aktivistë të ndryshimeve. Ndërkaq, regjimi bënte “të duruarin”, “të hutuarin”.
Në të dy këto raste thotë të pavërteta që nuk puqen me realitetin e kohës. Me standardet dhe analizat e së vërtetës në memoare-analizë të një kohe, disa të pavërteta rrëzojnë të tërën. Qëllimi, në funksion të shërbimit të shërbëtorit kastës në këtë rast dhe jo të vërtetës.
Absolutisht nuk është e vërtetë që në 14 janar 1990 është hedhur në erë me dinamit busti i Stalinit në Shkodër.
Në 14 janar 1990 u bë një demonstratë e heshtur në Shkodër para bustit Stalinit ku ishte organizuar tërheqja me litar e bustit të Stalinit.
Ai bust u hoq nga vetë shteti pas disa muajsh.
Absolutisht nuk është e vërtetë që përvjetorin e vrasjes së John Lenon në 8 dhjetor 1990 në Institutin e Lartë të Arteve e organizuan pedagogët e ri Edi Rama dhe Arben Imami. Te dy ata nuk kanë qenë në atë ngjarje. Edi Rama ishte në Korfuz!?? . . . Arben Imami diku tjetër . . .!
Ate ngjarje të përvjetorit të John Lenon e organizojë Ardian Klosi . . . Po atë natë u ngritën studentët për drita dhe ujë tek qyteti studentëve pa asnje ide dhe asnje mendim apo artikulim për pluralizëm politik.
Të pashfaqurat e dhjetorit 1990 që mundohet ti mbuloj duke i deformuar dhe interpretuar sipas marrëdhënieve te tij të vazhdimësisë sundimit të elitës komuniste në post-komunizëm si kontroll të demo(n)kracisë, janë pasojat që vazhdojnë ende sot si mungesë e demokracisë, shtetit të së drejtës, pavarësisë së institucioneve dhe Tallavasë shoqërore.
Kalo këtë e bën gjatë librit edhe me Kadaren, në rolin e tij demokratizimin e vendit?!!! duke anashkaluar dhe keqinterpretuar ngjarje si e mënjehersheme pas asaj te 14 janarit në Shkodër, “Demonstratën e heshtur” te 28 janarit 1990 dhe të tjera . . .
Së shpejti një analizë e triumfit të dytë komunist në demo(n)shkërdhatokraci . . .
