LIGJET E BIZNESIT
Shkodra është kthyer në një “fushëbetejë” politike, mes opozitës dhe qeverisë.
Kryetari i Bashkisë së këtij qyteti është i vetmi nga kandidatët socialist që fituan zgjedhjet, edhe pse të vetëm në garë, që nuk e “gëzoi” mandatin, kjo sepse opozita publikoi dokumentet ku dëshmohej se Valdrin Pjetri ishte dënuar me burg dhe dëbim nga Italia për drogë, dënim të cilin ai e kishte fshehur në formularin e dekriminalizimit.
Aktualisht Shkodra është pa një kryebashkiak ligjor, por kjo nuk e ka penguar kryeministrin Edi Rama që të vijojë premtimet e tij… për “fasadën” e këtij qyteti. Premtimi i radhës ka të bëjë më transformimin e vijës së liqenit të Shkodrës, nga Shiroka deri në Zogaj.
“SE SHPEJTI… Ja se si do të transformohet vija e liqenit të Shkodrës nga Shiroka, ku ka nisur faza e parë e këtij projekti, e deri në Zogaj. Pēr fazën e dytë dhe më të kushtueshmen e projektit, Qeveria Shqiptare ka siguruar një financim të Bankës Europiane për Rindërtim e Zhvillim dhe Komisionit Europian”, shkruan Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
