Kryeministri Edi Rama ditën e sotme ka shkuar në Shëngjin të Lezhës ku ka zhvilluar një takim me drejtuesit e qarqeve veriore të Partisë Socialiste.
Gjatë këtij takimi mësohet se kryeministri Rama është ndalur te bashkitë që drejtoheshin nga Partia Demokratike duke u rikujtuar kryebashkiakëve të rinj që të mos largojnë njerëzit nga puna.
Gjithashtu bëhet me dije se në fokus të këtij takimi ka qenë dhe cështja e Valdrin Pjetrit, kush do ta zëvendësojë atë dhe si do të veprohet me menaxhimin e Shkodrës.
Takimi është zhvilluar me dyer të mbyllura, pa praninë e kamerave dhe është diskutuar se në administratë duhet të futen persona të kualifikuar.
