Rama paraqet planin për të marrë në duart e tij personale gjithë vijën bregdetare

Kryeministri Rama edhe pse të gjitha bashkitë në vend i ka nën kontrollin e tij, sërish vijon ta bëjë akoma dhe më shumë të centralizuar pushtetin. Kreu i qeverisë njoftoi sot se ky është viti i fundit që bashkitë kanë në administrim vijën bregdetare. Sipas Ramës në shtator do të depozitohet ligji i ri në Kuvendin e Shqipërisë që u heq bashkive administrimin e plazheve.

Deri më tani plazhet dhe vija bregdetare është menaxhuar ‘rrumpallë’ sipas Ramës dhe vendimi do të ndikojë në një rritje të nivelit të administrimit të kësaj zone.

Ai vlerëson punën e policisë dhe inspektorëve në javët e fundit për lirimin e hapësirave, por shton se kjo nuk mjafton prandaj vija bregdetare do të kalojë në administrim nga shteti.

“Pushtimi i plazheve publike dhe rrumpalla në administrimin e plazheve e të territorit bregdetar në tërësi nga njësitë vendore, duhet të marrë fund. Beteja e Policisë së Shtetit dhe inspektoriateve qendrore, qysh nga fillimkorriku, po ndikon në përmirësimin situatës, por nuk mjafton. Nē vjeshtë në Kuvend, LIGJI I RI pēr mbrojtjen dhe administrimin e Vijës Bregdetare nga shteti.

Kjo pasuri kombëtare i takon POPULLIT dhe pushimet u takojnë njerëzve, jo abuzuesve të çdo kategorie; nga tregtarët qē nuk lëshojnë kuponat, tek harbutët që zaptojnë plazhet dhe deri tek zyrtarucë shtetërorë e pushtetarë vendorë, të cilët në vend të detyrës ndaj vendit dhe pushuesve, u bëjnë qoka dëmtuesve e zhurmuesve. ZeroTolerancë ndaj abuzuesve nuk është moto fushate, po linja e re e qeverisjes Deri në Fund dhe në çdo drejtim” thotë Rama.