Rama paralajmëron ‘furtunë’ në Bashkinë e Shkodrës: Do ikë çdo drejtor, janë të mbaruar

Vijojnë të dalin detaje të reja nga takimi i kryeministrit Edi Rama me drejtuesit e Partisë Socialiste në qarqet e veriut, që u zhvillua sot në Shëngjin të Lezhës.

Edhe pse në fillim të mbledhjes Rama ka theksuar se kryebashkiakët e rinj e kanë zbatuar urdhërin duke mos larguar nga puna punonjësit në basahkitë e djathta, të fituara në votimet e 30 qershorit, Rama ka paralajmëruar “furtunë” në Bashkinë e Shkodrës.

Burime për Top Channel bëjnë me dije se kryeministri ka folur për Shkodrën ku ka theksuar se: “Do iki çdo drejtor, me të mirë ose të keq. Janë të gjithë të mbaruar. Do të bëjmë një ndryshim radikal.”

Mësohet se Rama ka ngarkuar deputetin Luan Harusha për të ndjekur këtë proces. Ai ka kërkuar gjithashtu që në të gjitha postet drejtuese të bashkisë të emërohen gra.