Rama merr situatën në dorë, ngre në këmbë shtetin pas mesazhit të një qytetari (FOTO)

Kryeministri Rama vijon me praktikën e tij të dëgjesës së qytetarëve përmes komunikimit online. Këtë herë Rama ka reaguar shumë fortë pas një mesazhi që i ka ardhur nga një qytetar në what’s app.

Qytetari në fjalë i ka kërkuar ndihmë kreut të qeverisë për të hequr një grumbull me leshterikë.

Pas mesazhit, ky problem ka gjetur zgjidhje, pasi Rama ka bërë të mundur që të angazhohet gjithë ndërmarrja e pastrimit, një mënyrë kjo për t’i kthyer përgjigje siç duhet qytetarit të shqetësuar.

Këtë bisedë Rama e ka shpërndarë në facebook, ku ka ftuar qytetarët që të denoncojnë që të gjitha pakënaqësitë që kanë, për të bashkëpunuar dhe kontribuar në qeverisjen e vendit.

“Ka arritur në 290 numri i qytetarëve që kanë denoncuar abuzuesit, brenda 24 orëve të para të aplikacionit STOP INFORMALITETIT! Shumë faleminderit. 3881 është numri i qytetarëve që e kanë shkarkuar aplikacionin në smartfonin e tyre, gjatë këtyre 24 orëve”, shkruan Rama.