LIGJET E BIZNESIT
Tatimet kanë gjobitur biznesmenin e njohur në Tiranë Ylli Hidri, i cili ka në pronësi Markatën e Peshkut pranë Pazarit të Ri.
Pas kësaj kryeministri Edi Rama ka publikuar edhe një foto, ku e kritikon biznesmenin për mungesën e kuponit tatimor.
“Yllin e famshëm të Peshkut në Tiranë, e dua shumë se është punëtor i madh Po Ligjin e dua edhe më shumë Pranej Yllo, se t’kom ene katunarin tim anej nolt, men për her tjetër me kuponat Ene mos e harro inglizin, që thot “Dy gjona jon t’vdekme për robin n’demokraci, vdekja ene taksat”, shkruan Rama.
Kujtojmë se Hidri është një ndër njerëzit më pranë Ramës, ndërkohë që kemi parë që kryeministri shpeshherë shkon për dreka dhe për darka te Markata e Peshkut.
Duket se kreu i qeverisë nuk do t’i kursejë as miqtë e tij që shkelin ligjin.
