LIGJET E BIZNESIT
Kryeministri i Shqipërisë Edi Rama po paralajmëron kryeqytetet e Bashkimit Evropian që nëse fillojnë bisedimet e pranimit për Maqedoninë e Veriut para Shqipërisë do të jetë i dëmshëm për rajonin”.
Kështu e nis raportimin Euroneës duke publikuar intervistën me kryeministrin e Shqipërisë gazetari Jack Parrock.
Sipas Euronews, “të dy vendet presin që liderët e BE të mbështesin kërkesën e komisionit të BE në Bruksel për të hapur bisedimet. Por Franca, Hollanda dhe Danimarka po dëshmojnë rezistence ndaj çdo lëvizje drejt zgjerimit të BE-së duke shtuar vende të reja”.
Jack Parrock i Euronews u ul ekskluzivisht me kryeministrin Edi Rama në rezidencën e tij verore në qytetin buzë detit në Dhërmi.
”Duhet të marrim parasysh faktin që gjithmonë e më shpesh procesi vendimtar i Këshillit nuk bazohet mbi ato që bëjmë, për ato që bëjnë vende si tonat, por mbi situatën e brendshme ose dinamikën e brendshme politike të shteteve të ndryshme anëtare”, ka thënë Rama, duke theksuar se anëtarësimi në BE është pikësynimi i Shqipërisë.
Kryeministri Edi Rama paralajmëron se do të jetë e dëmshme për rajonin nëse nisin bisedimet e pranimit për Maqedoninë e Veriut para Shqipërisë.
“Do të ishte shumë e dëmshme për rajonin dhe në të njëjtën kohë do të ishte e padrejtë. Po Maqedonia bëri progres dhe meriton të vlerësohet sepse e meriton por pyetja është: A na duhen konflikt për tu vlerësuar për atë që bën”.
Sipas rezultateve të një hetimi të Këshillit Europian, opinion publik i BE-së po bëhet gjithnjë e më kundërshtues përballë vendeve të reja pretendente për anëtare.
Frika ndaj migracionit janë rritur me përfshirjen e Bullgarisë, Rumanisë dhe Kroacisë, por më tej opinioni publik ka ende shumë pengesa që Shqipëria duhet të kalojë për anëtarësimin në Bashkimin Europian.
“Për ne Europa nuk është thjesht një proces burokratik, një grup vendesh të zhvilluara në të cilat ëndërrojmë të përfshihemi, për ne është ajo që ishte për Etërit Themelues që e krijuan atë si një projekt paqeje dhe bashkëpunimi”, theksoi kryeministri Rama.
