Në kohën që mbështetësit e opozitës protestojnë për të kundërshtuar konstituimin e Këshillit Bashkiak në Shkodër, nga ana tjetër kryeministri Edi Rama ka prezantuar një projekt për qytetin.
Rama bën me dije se ka nisur puna për rindërtimin e rrugës e të infrastrukturës së ujësjellës-kanalizimeve si edhe ndërtimin e “Lungolagos”, shëtitores përgjatë vijës liqenore nga Shiroka e deri në Zogaj.
‘Vazhdon gur pas guri, në kuadër të Programit Kombëtar të Rilindjes Urbane, projekti i transformimit të Shirokës magjike e të rrënuar në dekada të tëra harrese
Ky projekt transformues i qendrës së Shirokës, do të pasohet nga projekti i madh i një nderhyrjeje tërësore, me rindërtimin e rrugës e të infrastrukturës së ujësjellës-kanalizimeve, si edhe ndërtimin e “Lungolagos”, shëtitores përgjatë vijës liqenore nga Shiroka deri ne Zogaj, një potencial deri më sot krejt i fjetur dhe i jashtëzakonshëm i zhvillimit turistik të Shkodrës’, shkruan Rama në Facebook.
