Punësoi një të ri që plagosi, kryebashkiaku i Kolonjës jep shpjegime

Erion Isai ka filluar nga puna si kryebashkiak i Kolonjës duke nisur me emërimet e para në punë. Një nga to ishte dhe caktimi si administrator i Pandi Cunge, i cili nga PD akuzohet se ka marrë pjesë në një plagosje gjatë fushatës së 30 qershorit.

Pas kësaj ka reaguar kryebashkiaku i Kolonjës, Isai i cili përgënjeshtron lajmin.

“As thikë, as plagosje, as për arsye banale, as për politikë, aq më pak për mua… apo më banale akoma, për fb, insta, snap… etj etj. E vetmja plagosje e ndodhur në fakt, është ajo virtuale, që nga gojët e shqyera të politikës përhapet nëpër gazeta dhe portale pa asnjë kujdes për të vërtetën që mund të gjendet lehtësisht në raportet e policisë.

Pandi Cunge, duhet dhe do të ndjekë me gjyq për shpifje, gjithë këtë “thertore” virtuale. Ndërsa s’duhet të ulë vrullin e punës në hapësirën e provës, që detyra kërkon!”, shkruan Isai në Facebook.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern