Protestë në Shkodër, kërkohet lirimi i zyrtarit demokrat

Partia Demokratike e Shkodër ka organizuar sonte në mbrëmje një protestë para Komisariatit  të Policisë në Shkodër.

Tubimi nga demokratët shkodran vjen me kërkesën për lirimin e Arvit Bushatit, kreut të FRPD, i cili u vu në pranga paraditen e sotme gjatë protestës kundër konstituimit të Këshillit Bashkiak të qytetit veriperëndimor.

Arvit Bushati kreu i FRPD Shkodër u arrestua nga Policia pranë selisë së PD në Shkodër në prani të drejtueseve lokalë ish-deputetëve dhe Sekretarit të Përgjithshëm, Gazmend Bardhi.

Situata ka qenë e tensionuar, por policët kanë mundur të fusin në furgon Arvit Bushatin dhe ish deputeti i Shkodrës Bardh Spahia është përfshirë në një debat të ashpër verbal me një agjent police.