Pak momente përpara konstituimit të Këshillit Bashkiak në Kamzë dhe betimit të kryebashkiakut të ri Rakip Suli, dalë nga zgjedhjet e 30 qershorit, Xhelal Mziu ka bërë thirrje për një përballje qytetare.
Xhelal Mziu, i cili njihet për thirrjet e tij se nuk do ta lirojë zyrën në asnjë moment, i bën ftesë qytetarëve të mblidhen në orën 12.00përpara bashkisë Kamzë për përballje.
“Ju ftoj para Bashkisë Kamëz në mbrojtje të uzurpimit të institucionit nga klika moniste”, thuhet në thirrjen e shpërndarë nga kryebashkiaku demokrat në ikje Xhelal Mziu.
“Jo komunizmit, krimit, korrupsionit, votimeve moniste” jo 6%!”, thekson Mziu krahas thirrjes për protestë.
Pas kësaj thirrjeje, pritet që sot marrja e detyrës së kryebashkiakut të ri të shoqërohet me përplasje dhe tensione ashtu si edhe në Bashki të tjera të vendit.
