Pas largimit të Valdrin Pjetrit, Partia Socialiste ka mbetur disi zbuluar në kryeqendrën e Veriut. Kryeministri Edi Rama ka zhvilluar një sërë takimesh për të bërë një riorganizim model të partisë në këtë qytet, që me largimet e Bushatit dhe Pjetrit ka krijuar një boshllëk të madh.
Më herët gjatë ditës së sotme, Fast News Albania raportoi se janë katër kandidatët që po përfliten për të marrë drejtimin e PS në Shkodër në rolin e koordinatorit rajonal.
Por në mesin e këtyre emrave, ai që shikohet si i preferuari i Ramës është Astrit Beci.
Ish-deputeti i PS ka një impakt pozitiv në PS-në e Shkodrës dhe gjithashtu nuk i është krijuar ndonjë njollë në syrin e Ramës.
Ky i fundit do të jetë vendimtar në përzgjedhje, edhe pse sipas statutit të PS është e kësaj partie, e cila do të vendosë mes katër kandidatëve potencialë.
