Janë zbardhur detaje nga grabitja e instititucionit kredidhënës në Tiranë sot në mesditë.
Sipas informacioneve paraprake të Policisë, ngjarja ka ndodhur në rrugën ‘Muhamet Gjollesha’, pranë Zogut të Zi, në një zyrë që i përket një institucioni financiar për kredidhënie në shuma të vogla.
Policia është vënë në ndjekje të autorit, identiteti i të cilit nuk dihet ende, pasi ka qenë i maskuar.
Në ndjekje të autorit janë vënë shërbimet e Policisë “Shqiponjat”, Patrulla e Përgjithshme dhe Forca e Posaçme Operacionale e DVP Tiranë.
Grupi hetimor po punon për identifikimin e autorit.
