Plagosje e rëndë në Shkodër, dy vëllezërit i fusin thikën 38-vjeçarit (EMRI)

Një ngjarje e rëndë ka tronditur pak minuta më parë qytetin e Shkodrës, ku mësohet se pas një konflikti të çastit, dy vëllezër kanë plagosur me thikë një 38-vjeçar.

Policia bën me dije se dy vëllezërit janë shtetasit me iniciale A.M dhe L.M të cilët pas një konflikti për motive të dobëta kanë plagosur me thikë shtetasin Vat Shpati.

Mësohet se pas plagosjes ata janë larguar nga vendngjarja, ndërsa i plagosuri është dërguar me urgjencë në spital.

Policia po punon për arrestimin e dy vëllezërve autorë të plagosjes.

NJOFTIMI ZYRTAR I POLICISE

Më datë 12.08.2019, në  lagjen “Mark Lula” Shkodër, pas një konflikti  të çastit për motive të dobëta, është plagosur me thikë shtetasi V.Sh, 38 vjeç banues në Shkodër, i cili ndodhet në Spitalin Rajonal Shkodër, për ndihmë mjeksore.

Grupi hetimor ka bërë identifikimin dhe shpalljen në kërkim të autorëve të dyshuar,  dy vëllezrit  A. M. dhe L. M.,  banues në Shkodër dhe po punohet intensivisht për kapjen e tyre.

Vijon puna për sqarimin e rrethanave të kësaj ngjarje.