Pezullohet drejtori i burgut 313 në Tiranë, shkak është bërë Emiljano Shullazi

Drejtori i Burgut “313, Jordan Misja”, Maksim Hamitaj është pezulluar me urdhër direkt nga drejtori i përgjithshëm i burgjeve, Agim Ismaili.

Lajmi është konfirmuar nga disa burime të “Balkanweb” që thonë se ky vendim ka lidhje të drejtpërdrejtë me Emiljano Shullazin.

Hamitaj mësohet se ka bërë disa favorizime ekstra ligjore në favor të Shullazit. Ai ka lejuar këtij të fundit disa takime mbi normën e lejuar dhe të përcaktuar nga rregullorja.

Problemi i favorizimit të të burgosurve është një problem i hershëm. Pak kohë më parë, u pezullua nga detyra edhe drejtori i po këtij burgu”, për shkak të shkeljeve të tij. Nga ana tjetër, pak kohë më parë në burgun “302” të burgosurit i bënë një peticion krerëve të shtetit, përmes të cilit kundërshtonin ligjin e ri për mundësimin e izolimit të tyre, si dhe anulimin e takimeve shtesë, që u është bërë kohët e fundit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern