Pelegrinazhi në Malin e Tomorrit, sot dita kulminante! Mijëra besimtarë në Teqenë e Kulmakut

20 deri më 25 gusht janë ditë të veçanta për besimtarët bektashinj. Janë ditët e Abaz Aliut që kremtohen me pelegrinazhin në malin e Tomorrit. Mijëra qytetarë nga e gjithë bota ditën e sotme bëhen pjesë e Pelegrinazhit në Malin e Shenjtë të Tomorrit në Berat, në 2416 m mbi nivelin e detit për ritet fetare.

Për pesë ditë rresht, besimtarët vizitojnë vendet e shenjta, ndjekin ritualet e festës së Abaz Aliut dhe dëgjojnë fjalimet e klerikëve të tyre mbi historinë e shenjtërimit të baba Tomorrit dhe veprat e shenjtorëve bektashi.

Luten e ndezin qirinj në varrin e shenjtorit “Abaz Ali”, e bëjnë kurban për veten dhe familjen e tyre.