Patozi: Skenat e shembjes së ‘Panormës’ nga “Rilindja” të pështira sa edhe ulërimat e Mihal Kokëdhimës

Kreu i Partisë “Bindja Demokratike”, Arstit Patozi e ka cilësuar si një farsë të “Rilindjes” shembjen e restorantit “Panorma” të Mihal Kokëdhimës, pas incidentit me turistët spanjoll.

Në një reagim në rrjetet sociale, Patozi shkruan se ky është një tregues që Rama nuk po bën shtet, sic ai pretendon, pasi u desh që Mihal Kokëdhima që “kacavirrej” në xhamin e furgonit për të mësuar se restoranti 2 mijë m2 të zbulohej se ishte pa leje.

Reagimi i plotë

FARSA E “RILINDJES” ME NDËSHKIMIN PUBLIK TË KOKÈDHIMËS SË QEPAROIT

Të vjetrit thonin që qeveria e kap lepurin me qerre. Edi Rama ka shumë vite që pretendon se “Rilindja” e tij ka bèrë.shtet.

Tani pyetja èshtë, a duhet patjetër që të kacavirresh tek xhami i një makine në ecje, pasi të kesh bèrë një sherr horror me ca turistë të huaj, që të zbulohet se ke prej vitesh njè restorant pa lejje?

Jo shtëpi, ku ke futur kokën, por lokal 2 mijë metra katror në zonën më tërheqèse të Rivierés së Jugut.

Ndaj edhe skenat e prishjes publike të ndërtesès së Kokèdhimës, pa zbardhur ende dita, janë po aq të pështira sa edhe ulërimat e tij pas xhamit të thyer, imazhe të cilat nuk ka aktor filmash “action” në botë qè t’i marrë pèrsipër per t’i imituar.