Deputeti i Partisë Socialiste, Spartak Braho reagon pas lajmit se djali i tij është përfshirë në një sherr që është shoqëruar me kërcënim me armë zjarri, lajm të cilin e publikoi fillimisht ish-kryeministri Sali Berisha duke iu referuar denoncimit të qytetarit dixhital.
Braho e konsideron një ngjarje banale “e provokuar nga një mik i droguar dhe i armatosur i gjysh Berishës, e cila iu relatua policisë”.
“Një shpifje e zakonshme e qofte largut se unë jam takuar për sqarim me personat në fjalë. Denoncimi ndaj personit, që ka 7 vjet në kërkim për provokimin e bërë, ju bë organeve të policisë së shtetit”, thotë Braho më tej.
